|
|
26. декември 2013 Традиционално! секој месец на 26-ти, иде ред да напишам по некој збор, како и шо ми се случило во минатите денови – недели.
ноември 2013 26.11.2013 И уште еднаш повеќе, зимата не изненади!!! Почна зимото, не дека не најавено и не очекувано, ама почна стварно озбилно. За еден ден наврна 20 цм снег, темпаратурите се спуштија под нулата - и ај со среќа нека е зимата. Ама искуството и годините го прават своето. Не не нервира веќе ништо. Ниту тоа што од мрак до мрак си на работа, ниту тоа што кога ќе се вратиш дома од работа (во темно) мислиш дека поминал денот, па се растегаш пред телевизорот каа пензионер, ниту тоа што стварно немаш ништо од денот, ако е работен ден. Но човек се уче да се радува на позитивните работи кои му се случуваат. Приморани да седиме дома, поминуваме повеќе време со домашните, се одмараш и си уживаш.
Така пред некоја недела направив едно самоиспитување. Се одтргнав од интернетот за една недела. Планирано беше 10 - 15 денови, ама човек ќе свате (касно) дека ако “се фаниш на орото, нема испуштање“. Не дека е невозможно да се исклучиш од интернетот, ама поготово во овие зимски, тмурни, влажни и ладни денови стварно човек нема шо да работе друго. Телевизијата уште поглупава е од интернетот, а книги - не е тоа моја занимација, не сум ногу по читањето. Не дека не сакам да читам и дека не сум пробал да читам. Ама најкасно на третата страна веќе спијам.
октомври 2013 26.10.2013
И така уживајќи во есенската убавина на природата се качувавме се повисоко и повисоко на Россберг. После саат време и првата пауза и моменти на право опуштање и уживање во природата која како да сакаше сета убавина наеднаш да ја покаже. Како помунваа саатите и километрите ни стана јасно дека сме се прерачунале со планот. Па така “наапани“ одлучиме да си одиме дома!!! Проблемот беше само шо домата не ни беше така блиску :)
Неделата ни беше планирана за панаѓурот во селото, на кој и Кошаркарскиот клуб имаше тезга. Па тука да помогниме. Убаво беше. И ако скоро цел ден повторно на нози - издржаме :) фотографии од последниот викенд во октомври 2013 »»» «СМРТ НА ФАШИЗМОТ - СЛОБОДА НА НАРОДОТ» Пред едно повеќе од 10 години (поточно 12 г.)почнав да ја правам оваа сртана со желба на овој начин да ги информирам моите блиски за моето секојдневие...
Да, во последно време имам чуство дека интернет порталите во Македонија се множат, како видеотеките пред едно 25 години. Крајот на 80тите години од минатиот Век, само ако некој купеше видеоплејер - ОП! комшијата одма отвара видеотека!!! А на тие таканаречени информативни интернет портали вести и информации во изобилство. Илјадници секојдневни информации, па ти најди си ја таа шо те интересира и стварно е потребна (најди ја - ако можеш!!!) На денешен ден, пред 72 години е дигнато најзначајното востание на Македонскиот народ. Востание и празник кое полека го туркаат во втор план, после големиот Илинден и нановото “востание“ од 8-ми септември. Воа со осми септември не требе ногу да го кудам, улицата во која израснав “29-ти Ноември“ сега била “8-ми Септември“ - абе шо не ја крстат “Новогодишна“ па да се сврше работата еднаш за секогаш... нека а таа забега муабетот. Ама тоа било порано.... сега најважно е да си имаш портал кој те подржува, и добра сметка во некоја светска банка - за недај Боже! септември 2013 Минато свршено Помина уште едно лето, лето Господово 2013-то. Добро де, календарски уште не, ама метереолошки и времески сигурно. Денеска, 10 септември, веќе скроз на есен изгледа, ладно, мокро и магловито.
Ќе ни останат сеќавањата на едно жешко и долго лето, жешко беше дури и во Швајцарија! Помина и мојот роденден (беме примерни, денеска без главоболки и иждригачки на работа), помина 7ми септември - празникот на Кавадарци, помина 8ми септември - државниот празник на Македонија. Помина и европското првенство за Македонската кошаркарска репрезентација... август 2013 Пат околу светот... После 20 години возење, еднаш до двапати годишно, на релација Македонија - Швајцарија се собраа километри да човек сигурно а обиколе целата земјина топка. Ама за жал, или за среќа јас се возев на релација централна Македонија до централна Швајцарија. Понекогаш поминувајќи преку ...
08.08.2013 “МАКЕДОНИЈА ДРЕВНА“
Лето Господово 2013-то. И пак го прекршивме ветувањето од лани - да не одиме во Македонија во лето. Август, 30 или 40 степени, зависи кој го веруваш. Ама во целата Поранешна Југословенска република Македонија, од бугарската па до албанската граница, иста слика. Сјај и беда. Најновите автомобили, возат по најнови дупки. Најголемите нови куќи “имаат“ пристап преку земјени патеки. Ѓубрето лета на секаде, ама најдалеку до првата грмушка. Во земја со 35% невработеност сите брзаат некаде ??? А и во Охрид. најтуристичкото место во оваа наша мала земја, ист терк. Првиот ред нашминкан, нашминкан, а “вториот ред“ како ќе му даде Господ. До најсликуваниот мотив од Македонија, Св. Јован - Канео може човек да дојде ако се издутне помеѓу паркираните возила...
07.07.2013 «Сé во свое време !?!?!?» (со извинување за тоа шо е напишано на кавадаречки!) Како сé повеќе “караваните си одат“ така сé повеќе им се чудам на виа старите “мудрости“ кои во основа ништо не кажуват. Сé во свое време! ваа е ептен за никаде... прво шо е тоа сé? дали мојата работа, е во тоа сé? и кога е право време? И така како шо мислеме дека овие мудрости се мудри, така им веруваме на виа белосветските ороспии на нивната грижа за Македонија. Еве само неколку “мудрости“ искажани во последнава недела: - ЕК поддржува секаква иницијатива за решавање на прашањето за името И така верувајќи и големјќи ги ваквите изјави на мнозинството лигавеши, Македонија со чело на Влаата на Поранешната Југословенска Република Македонија си трчка зад караванот кои ни кучињата веќе не го лаат. Лигавеши? да, иначе како ќе ги наречиш вратоврсконосачите кои скриени зад “политичката демократија“ немаат ниту лице, ниту храброст да кажат МАКЕДОНИЈА. Зошто ако се стварно некој “кур фактор“ во Светската или барем во нивната национална политика, ќе имаат храброст и срце да кажат: Македонија, ја признаваме Република Македонија. Но радоста е на друга страна. Еве летото за вистински почнува и тука во Швајцарија, се надеваме на убави викенди и на време поминато во добро друштво, во придужба на ладно пиво и топла скара... Остареме и полека ни станува јасно дека минатото е минато и свршено, а за иднината никој нé не прашува како дда биде. Затоа ќе ја управуваме барем колку што можиме нашата иднина и ќе гледаме да не забегаме ногу со правецот оти “пливањето“ против текот на реката е тешко и дури убитачно. Убава работа шо ми се случи овие денови е тоа што на двајца мои допри приатели им ги одбележавме роденденовите како шо доликува. Па и ако кратки средбите беа ептен убави, (и на крајот не беме пиани каа матуранти - полека и нас ни иде умот :) ) Сега се надевам дека следниот викенд пак ќе биде како минатиот, сончев и топол, па да со моторот направиме некој километар... 20.06.2013 четврток, (и ако не го смениле и тоа, денеска у Ниготно пазар е.)
Дневниот ритуал. Будење 05:40, на работното место пред 06:45, утринското кафе за расонување и после уште едно за уживање. Проверка на штампаните и електронските медиуми. Планирање за работниот ден. И додека сето тоа го средиш - дошло време за пауза! 09:00 Скроз расонет, наакан со информации кои во општо не ти требаат или те изнервирале уште сабајле, го пиеме третото кафе... Рикер ни соле памет, Немиц ти кажува како да мислиш, бугарот у лице ти се смее а едвај чека да му го завртипш грбот па да ти го опаше од позади... гркот таа неговата - “... ти па капа не носиш ...“ У Кавадарци одкриен споменик на жртвите на Тиквешкото востание. Вечна им слава на борцие. Освен убавиот споменик и украсените зборови за повеќе немаше средства. Малку таа околината околу споменикот да се среде, травичка, ламбичките да ги подзалепиме ... Си мислам така колку тешко детство треба човек да има, па од кога ќе стане политичар, да пробува да ги постигне своите детски соништа??? И така додека пробуваш да се најдиш во сета шема, осеќаш дека времето си оде а можност и сила немаш нешто да смениш. Како да им објасниш на таа толпа народ да не кука како нема ниту пари ниту живот у Македонијата, а кој после со сета своја снага се труде да им помегне на братскиот и комшискиот грчки народ во ова тешко време. Добро де тие пари се нивни ќе прават шо сакат, ама после ќе се чудиме зошто продавничките и кафенињата по градот затварат - Јорго нека има...
И така и понатаму, читаш Вардар Про ќе се појачал со неколку странски играчи, три-четири од украина, некој од словенија и уште... , шо беше тоа спорт???
Дека Светот е забеган, забеган е. А јас сум си заостанат или забеган на друга страна ... 10.06.2013 Си седам и си мислам. Си мислам за поминатите три-четири недели. Бев во Македонијата, во Кавадарци. Се сретнав и се дружев со ногу човеци. Секој на свој начин задоволен од незадоволството. И поголемиот број од нив со убедување дека они самите неможат да сменат ништо на тоа што им предизвикува незадоволство Даскалот Делчев преди 100 години рекол: Се вратив во Швајцарија. Ајде поминувачка нека има ...
30 мај 2013 Изложба, «Две таткови» Кавадарци, Македонија
импресии, фотографии, видео, ... »»» 22 мај 2013
Почна, во вторникот 21ви мај, пред многубројната публика беше отворена мојата прва изложба на фотографии во Македонија. Галеријата на Домот на културата «Иван Мазов - Климе» во Кавадарци беше исполнета со прекрасни луѓе, мои роднини, пријатели и љубители на уметноста. Изложбата со пригодни говори ја отворија Боро Рудиќ, претседател на фото сојузот на Македонија, и Александар Малинков актер при домот на културата и мој драг приател. На изложбата како веќе кажано дојдоа многу мои драги луѓе на кои морам да им се извинам што немав време да со секој направам повеќе муабет, но во таа гужва бев и самиот малку “изгубен“. Изложбата ќе биде отворена за публиката во нареднава недела, секој заинтересиран ќе има можност да ја посети и да ги погледне педесетината фотографии настанати во Македонија и во Швајцарија во последниве неколку години. На ова место, сакам да им се заблагодарам на Марјан Тодоровски, Александар Малинков и вработените во Домот на културата. Исто така би ги поканил сите кавадарчани да ја погледнат изложбата...
21 мај 2013
Поминаа сите празници, и кавурски и цигански. Сега ни предстои изложбата во Кавадарци. Да, мојата прва самостојна изложба во Македонија. 1ви мај, Скинаме уште едно ливче на календарот за годината 2013-та. Зад нас остана месец април, кој ќе го памтиме по “тегавоста“ да ни пуште пролет.
После толку “обеќаниот“ март, во кој секој се обеќаше, април се врати со сето свое сурово секојдневие.Лозарите и понатаму се борат за парите, ФЕНИ квалитетно си труе се околу себе. а политичарите кои до пред еден месец се кезеа на телевизиите - си легнаа во своите фотељи. и како “кец на десетка“ ете некој си извештај од некоја си белосветска инсутитуција која стварно утврдила дека владеачката партија во Македонија ја користи својата позиција - и тоа на само месец/два пред состанокот на некои си други белосветски лигавеши. Јас и се радувам на пролетта не дека ќе донесе кој знае шо, туку стварно чекам време да можиш како човек да се извозиш со моторот и да направиш некоја фотографија во која не преовладува гаовата боја. Ама како и да е, месец мај почна. И тука е планиран мојот одмор и мојата прва изложба на фотографии во Кавадарци.
април 2013 08.04.2013 Помина месец март. Еве здраво загазени и во месецот “тревен“ ама од травата само жални ливчиња. Ја чекаме пролетта да се појаве не само календарски, туку и така вистински, со сонце и некој степен повеќе. Си чекаме. Тука неможиме (уште неможиме) да направиме нешто. Но дали би направиле нешто кога би и можеле???
Македонскиот народ во последниве недели имаше можност да го изрази своето мислење за безкрајните чекања на шалтерите, за коруптираното и нехуманото здраство, за рамнодушноста на властите спрема фирмите кои безскурполозно го труат народот и општеството, за дубарите на таканаречените винарии, за шерифувањето на некои си чиновници, за ... Ама повторно, “чути, има и полошо“ победи. Дека полошо има, има. Ама зошто не пробаме да направиме поубаво нешто??? март 2013 11.03.2013, Arth
И помина, првата поозбилна самостална изложба на мои фотографии. Февруари 2013 28.02.2013, Basel, BS И, бидна. Мојата таканаречена прва самостална фотоизложба почна.
Покрај интересните фотографии и слики, имаше и Македонско вино и мала закуска. За заинтересираните, изложбата е отворена следните два викенда: _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ 23.02.2013
Отварање на изложбата: Потоа изложбата е отворена за посетителите: _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ 02.02.2013 Во секој случај ќе има интересни дела како цртежи, така и фотографии. Секој заинтересиран може да ја посети изложбата во Базел. Отварање на изложбата: Потоа изложбата е отворена за посетителите:
јануари 2013
Еве за озбилно загазиме во новата 2013та година. _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
Почна и најновата 2013-та година. Срамота е уште сега да ја кудиме, ама освен нови надежи, друго ништо ново не донеси, барем до сега. Но има уште 350 и кусур денови да се поправе. Но сепак ќе се надеваме на здравје и радост во фамилијата и блискиот круг, па да среќно ја поминиме и оваа година.
|
|
Сите фотографии и ristovski.ch ©2013 |
||
 |
|
|
